PARLO UN’ALTRA LINGUA

Durant le tournage, PUAL 3, Dangio, mai 2014

“Jau discur in’autra lingua, ma jau ta chapisch” (DIAL), project per il barat e la chapientscha tranter ils giuvens da differentas linguas.

Project da Coscienza Svizzera, realisà cun la collavuraziun da la Radiotelevisione svizzera di lingua italiana (RSI) e cun il sustegn da l’Uffizi federal da cultura (UFC)

Il project “Jau discur in’autra lingua, ma jau ta chapisch” s’extenda sur in entir onn da scola. Mintga ediziun cumpiglia duas classas dal stgalim mesaun superiur che derivan da duas differentas regiuns linguisticas.

Cun agid da l’art cinematografic, dals instruments audiovisuals sco er dals meds d’infurmaziun moderns vul il project encuraschar las classas da ponderar las schanzas e las barrieras dal plurilinguissem e da la multiculturalitad e dad  experimentar  questas persunalmain, grazia al barat da la regiun e la cundivisiun online. L’experientscha da la convivenza (dus champs dad in’emna), la lavur a distanza e la coproducziun d’in film curt porschan a las classas l’occasiun d’emprender d’enconuscher l’autra lingua e l’autra cultura, d’experimentar differentas avischinaziuns al tema e da far madirar ina sensibilitad pli autentica envers las differentas realitads linguisticas e culturalas.

Il project è er in’occasiun da furmaziun: cun l’agid da spezialists pon ils students acquistar cumpetenzas sin il sectur da scriver scenaris, da l’art cinematografic, da la recitaziun, da la montascha e da las tecnicas da registraziun.

Il project sa divida en tschintg fasas:

settember  – october: preparaziun en classa ed emprims barats e contacts a distanza (pagina-web, social network, e-mail)

october (in’emna): emprim champ en ina da las duas regiuns linguisticas; las classas lavuran ensemen, frequentan lavuratoris che vegnan manads da  spezialists da quel sectur (recitaziun, tecnicas da registraziun, script e scenari, reschia, montascha eav) ed elavuran ensemen in’emprima idea per in scenari; accoglientscha en famiglia dals students ospitants.

october – mars: cun l’agid d’ina plattafurma online cundividida lavuran las classas a distanza e perfecziuneschan il scenari ed il sboz da producziun; ultra da quai sviluppan ellas er iniziativas, reflexiuns e progets deditgads al tema dal plurilinguissem e mettan il material producì sin la plattafurma cundividida.

avrigl (in’emna): segund champ en l’autra regiun linguistica; las classas insceneschan cun l’agid dals spezialists lur film curt, registreschan las scenas e realiseschan ina montascha preliminara; ellas vivan ensemen en ina instituziun.

stad –atun: montascha, producziun posteriura tras ils professiunals e preschentaziun al public.

Las classas u las scolas interessadas pon sa drizzar a:
Coscienza Svizzera
Raffaella Adobati Bondolfi
Manadra dal project
Tel. +41 81 284 66 81
Tel. +41 81284 66 81
Email:
www.coscienzasvizzera.ch